861
Shares
काठमाडौं । माओवादी केन्द्र र जनता समाजवादी पार्टी (जसपा) का नेताहरुबीच सत्ता समिकरणको विषयमा छलफल भएको छ ।
जसपाका अध्यक्ष महन्थ ठाकुर र वरिष्ठ नेता राजेन्द्र महतोले माओवादी केन्द्रका नेताहरुसँग छलफल गरेका हुन् ।
माओवादी केन्द्रले कांग्रेस र जसपासँग सत्ता सहकार्यको लागि छलफल गर्न अध्यक्ष पुष्पकमल दाहाल र नारायणकाजी श्रेष्ठलाई जिम्मा दिएको छ ।
‘नेताहरु पेरिसडाँडा गएर फर्किसक्नु भयो,’ जसपाका नेता केसब झाले भने । उनले नेताहरुबीच के विषयमा छलफल भयो त्यो खुलाएनन् ।
मंगलबार माओवादी केन्द्रका अध्यक्ष दाहालले जसपाका संघीय परिषद् अध्यक्ष बाबुराम भट्टराईसँग पनि छलफल गरेका थिए ।
त्यसो त आज बुधबार नै एमालेका नेताहरुले पनि जसपाका नेताहरुसँग भेटेर सत्ता सहकार्यको लागि छलफल गरेका थिए ।
.jpeg)