658
Shares
काठमाडौं । कोरोना संक्रमणको जोखिम बढेसँगै नुवाकोटमा मंगलवारदेखि निषेधाज्ञा गरिने भएको छ ।
आज जिल्ला प्रशासन कार्यालय नुवाकोटले वैशाख २१ गतेबाट वैशाख २७ गतेसम्म निषेधाज्ञा गर्ने निर्णय गरेको हो ।
कोरोना संक्रमणको जोखिम बढेसँगै मंगलवारबाट निषेधाज्ञा गर्ने निर्णयमा पुगेको नुवाकोटका सहायक प्रमुख जिल्ला अधिकारी वेदप्रसाद अर्यालले जानकारी दिए ।
‘बाहिरबाट मानिसहरु आउने क्रम जारी रहेकोले जोखिम भएपछि मंगलवारदेखि बिहान ४ बजेबाट निषेधाज्ञा गर्ने निर्णय गरिएको हो ।’ उनले भने ।
साथै निषेधाज्ञा अवधीभर अत्यावश्यक बाहेकका सेवाहरु बन्द गरिने उनले बताए ।
त्यस्तै नेपालमा कोरोना संक्रमणको जोखिम बढेपछि गत बिहीवारदेखि काठमाडौं उपत्यका लगायतका जिल्लाहरुमा निषेधाज्ञा गरिएको छ ।
.jpeg)