भक्तपुरमा कजारिया रमेश टाइल्सको नयाँ शोरूम उद्घाटन :नेपाली टाइल उद्योगमा नयाँ आयाम

भक्तपुर, फागुन १०, २०८२ – देशकै प्रमुख टाइल उत्पादन कम्पनी कजारिया रमेश टाइल्स लिमिटेडले भक्तपुरको सल्लाघारीमा आफ्नै विशेष शोरूम सञ्चालनमा ल्याएको छ। यो शोरूमले भक्तपुर तथा आसपासका क्षेत्रका ग्राहकहरूलाई उच्चस्तरीय, आधुनिक डिजाइनयुक्त टाइल्स उपलब्ध गराउने उद्देश्य राखेको छ।

उद्घाटन समारोह विशेष बनाउने क्रममा मिस वर्ल्ड नेपाल २०२४ आश्मा केसी पनि उपस्थित थिइन्। कार्यक्रममा कम्पनीका प्रतिनिधि, क्षेत्रीय वितरक, र सर्वसाधारणको उल्लेखनीय सहभागिता रह्यो। शोरूम पीएनएस ट्रेडर्स एण्ड सप्लायर्सद्वारा सञ्चालित छ, जसले ग्राहकहरूलाई प्रत्यक्ष उत्पादन अनुभव गराउने साथै व्यक्तिगत कन्सल्टेशनको सुविधा पनि प्रदान गर्दछ।

कजारिया रमेश टाइल्स लिमिटेडले ३ हजार भन्दा बढी डिजाइन विकल्पहरू उपलब्ध गराउँदै आएको छ, जसले आन्तरिक सजावटलाई न केवल आकर्षक बनाउँछ, तर दिगो र बलियो उत्पादनहरूको विकल्प पनि प्रदान गर्छ। कम्पनीले आफ्नो विज्ञप्तिमा भनेको छ, “नेपालमा निर्माण तथा इन्टेरियर डिजाइन क्षेत्र तीव्र रूपमा विकसित भइरहेको छ, र हामी हाम्रो अत्याधुनिक प्रविधि, नवप्रवर्तनशील डिजाइन र उच्च गुणस्तरयुक्त उत्पादनमार्फत यस क्षेत्रको विकासलाई अझ सुदृढ बनाउन उत्साहित छौं।”

नयाँ शोरूममा ग्लेज्ड भिट्रिफाइड टायल ९६०×१२० से।मी।, ६०×६० से।मी।, १९।५×१२० से।मी। हेभी ड्युटी ग्लेज्ड भिट्रिफाइड टायल ९४०×४० से।मी।०, र सेरामिक वाल टायल ९३०×६० से।मी।, ३०×४५ से।मी। लगायतका विभिन्न प्रिमियम उत्पादनहरू प्रदर्शन गरिएको छ। यी सबै टाइलहरू पानी तथा दाग प्रतिरोधी, बलियो, दिगो, र अत्याधुनिक डिजाइनयुक्त छन्।

कम्पनीका अनुसार, कजारिया रमेश टाइल्स देशकै सबैभन्दा ठूलो टाइल उत्पादन उद्योगको रूपमा परिचित छ। नेपालभर १०० भन्दा बढी शोरूमहरूको सञ्जालमार्फत कम्पनीले ग्राहकहरूको पहुँचलाई सुनिश्चित गर्दै आएको छ। यसले स्थानीय बजारमा मात्र होइन, अन्तर्राष्ट्रिय स्तरमा पनि उच्च गुणस्तर कायम राख्दै आफ्नो पहिचान बनाएको छ।

उद्घाटन समारोहमा सहभागीहरूको अनुभवले स्पष्ट देखायो कि ग्राहकहरू अब सजिलै आफ्नो घर, अफिस, वा व्यावसायिक स्थानको लागि आकर्षक र दिगो टाइल विकल्पहरू छनोट गर्न सक्नेछन्। कम्पनीका अधिकारीहरूले बताए अनुसार, “नवप्रवर्तन, गुणस्तर, र डिजाइनप्रति हाम्रो प्रतिबद्धताले टाइल उद्योगमा नयाँ मानक स्थापित गर्नेछ।”

कजारिया रमेश टाइल्सले नयाँ शोरूम विस्तारमार्फत भक्तपुर र आसपासका क्षेत्रका निर्माण तथा इन्टेरियर डिजाइन व्यवसायी, वास्तुकार, र सामान्य ग्राहकहरूलाई उत्कृष्ट समाधान उपलब्ध गराउने योजना बनाएको छ। यस कदमले नेपालको निर्माण सामग्री उद्योगमा प्रतिस्पर्धात्मकता बढाउने र ग्राहकहरूलाई नविनतम, टिकाउ, र अत्याधुनिक उत्पादनहरू उपलब्ध गराउने बाटो खोल्ने विश्वास व्यक्त गरिएको छ।