कर्णाली प्रदेशका मुख्यमन्त्री महेन्द्रबहादुर शाही

काठमाडौं । कर्णाली प्रदेशका मुख्यमन्त्री महेन्द्रबहादुर शाहीले  नेकपा एमालेबाट सरकारमा सहभागी तीन मन्त्रीले दिएका राजीनामा स्वीकृत गरेका छन्। 

मुख्यमन्त्री शाहीले आर्थिक मामिला तथा योजनामन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरणमन्त्री नन्दसिंह बुढाको राजीनामा स्वीकृत गरेका हुन्। 

राजीनामा स्वीकृतपछि रिक्त रहेको उद्योग, पर्यटन, वन तथा वातावरण मन्त्रालयको जिम्मेवारी आन्तरिक मामिला तथा कानुनमन्त्री नरेश भण्डारी‚ आर्थिक मामिला तथा योजना मन्त्रालय र सामाजिक विकास मन्त्रालयको जिम्मेवारी भूमि व्यवस्था, कृषि तथा सहकारी मन्त्री विमला केसीलाई दिइएको छ। 

सरकारलाई दिएको समर्थन फिर्ता गरेर एमालेका तर्फबाट मन्त्री भएका तीन मन्त्रीले मंगलबार राजीनामा पेश गरेका थिए।