खाता खोल्नुअघि नै आउट भए सोमपाल, नेपाली टोली दबाबमा

काठमाडौँ । त्रिकोणात्मक टी-२० अन्तर्राष्ट्रिय क्रिकेट शृंखलाको बुधबार जारी खेलमा पाहुना टोली नेदरल्यान्ड्सले दिएको एक सय ८५ रनको लक्ष्य पछ्याउँदै जवाफी ब्याटिङमा ओर्लिएको नेपालले छैटौँ विकट पनि गुमाएको छ ।

नेपालले छैटौँ विकेटका रुपमा सोमपाल कामीलाई गुमाएको हो । सातौँ नम्बरमा क्रिज समाल्न आएका सोमपाल पहिलो बलमै आउट भएका हुन् । उनलाई डच बलर आर्यन दत्तले वेस्ली बारेसीद्वारा क्याच गराए । १५.३ ओभरमा उनी आउट हुँदा नेपालले एक सय २६ रन बनाएको थियो । सोमपाल आउट भएपछि नेपाली टोली दबाबमा परेको छ ।